TEHREER

zavia baab 3 ilam pehm aur hosh

Crescent — Sat, 15 Sep 2012 13:53:58 GMT

جو شخص اپنے اندر ہی اندر گہرا چلا جاتا ہے، وہی اوپر کو اٹھتا ہے اور وہی رفعت حاصل کرتا ہے۔ یہی قدرت کا اصول ہے۔ جو درخت جس قدر گہرا زمین کے اندر جائیگا، اسی قدر اوپر و جا سکے گا، اور اسی قدر تناور ہو گا۔

ہم اپنی ساری زندگی اوپر ہی اوپر، اپنے خول کو، اور اپنے باہر کو جاننے پر لگا دیتے ہیں۔ اور یہ بھول جاتے ہیں کہ اصل
انسان ہمارے اندر رہتا ہے۔

جب میں اپنے اندر نگاہ مارتا ہوں تو اس کے اندر کچھ الفاظ، کچھ تصورات، کچھ خیال، کچھ یادیں، کچھ شکلیں اور کچھ خواب پاتا ہوں۔

زاویہ: 3، باب "علم فہم اور ہوش"، صفحہ 295 سے اقتباس

ye sub bekar batain han

Crescent — Mon, 27 Aug 2012 14:09:10 GMT

یہ سب بیکار باتیں ہیں
یہ سب بیکار باتیں ہیں
یہ سب بے جان رسمیں ہیں
فقط الفاظ جادو ہیں
ُُمحبت کچھ نہیں ہوتی
کسی کے مان جانے سے
کوئی ہل چل نہیں ہوتی
کسی کے روٹھ جانے سے
کوئی جل تھل نہیں ہوتی
کسی کا دل دکھانے سے
کوئی بے کل نہیں ہوتی
ُُمحبت کچھ نہیں ہوتی
ُُمحبت کچھ نہیں ہوتی

Wo dana e subol khatm ul rusool mola e kul jis ne

Crescent — Fri, 24 Aug 2012 15:40:04 GMT

وہ دانائے سبل ، ختم الرسل ، مولائے کل جس نے
غبار راہ کو بخشا فروغ وادی سينا

نگاہ عشق و مستی ميں وہی اول ، وہی آخر
وہی قرآں ، وہی فرقاں ، وہی يسيں ، وہی طہ

En se pocho khabi chehre bhi paray han tum ne

Crescent — Tue, 21 Aug 2012 14:46:52 GMT

ان سے پوچھو کبھی چہرے بھی پڑھے ہیں تم نے
جو کتابوں کی کیا کرتے ہیں باتیں اکثر

Usy kya khbr ke palak palak roshan sitara ghari rahe

Crescent — Mon, 20 Aug 2012 16:27:06 GMT

اسے کیا خبر کہ پلک پلک روش ستارہ گری رہی
اسے کیا خبر کہ تمام شب کوئی آنکھ دل سے بھری رہی

کوئی تار تار نگاہ بھی تھی صد آئنہ، اسے کیا خبر
کسی زخم زخم وجود میں بھی ادائے چارہ گری رہی

میں اسیر شام قفس رہا مگر اے ہوائے دیارِ دل
سرِ طاقِ مطلعِ آفتاب مری نگاہ دھری رہی

سفر ایک ایسا ہوا تو تھا کوئی ساتھ اپنے چلا تو تھا
مگر اس کے بعد تو یوں ہوا نہ سفر نہ ہم سفری رہی

وہ جو حرفِ بخت تھا لوحِ جاں پہ لکھا ہوا، نہ مٹا سکے
کفِ ممکنات پہ لمحہ لمحہ ازل کی نقش گری رہی

ترے دشتِ ہجر سے آ چکے بہت اپنی خاک اڑا چکے
وہی چاک پیرہنی رہا وہی خوئے دربدری رہی

وہی خواب خواب حکایتیں وہی خالد اپنی روایتیں
وہی تم رہے وہی ہم رہے وہی دل کی بے ہنری رہی

خالد علیم

Dil main wafa ki hy talab,lub pe sawal bhi nahi

Crescent — Mon, 20 Aug 2012 16:24:36 GMT

دل میں وفا کی ہے طلب، لب پہ سوال بھی نہیں
ہم ہیں حصارِ درد میں ، اُس کو خیال بھی نہیں

اتنا ہے اس سے رابطہ، چھاؤں سے جو ہے دھوپ کا
یہ جو نہیں ہے ہجر تو پھر یہ وصال بھی نہیں

وہ جو انا پرست ہے ، میں بھی وفا پرست ہوں
اُس کی مثال بھی نہیں ، میری مثال بھی نہیں

عہدِوصالِ یار کی تجھ میں نہاں ہیں دھڑ کنیں
موجۂ خون احتیاط! خود کو اُچھال بھی نہیں

تم کو زبان دے چکے ، دل کا جہان دے چکے
عہدِوفا کو توڑ دیں ، اپنی مجال بھی نہیں

اُس سے کہو کہ دو گھڑ ی، ہم سے وہ آملے کبھی
مانا! یہ ہے محال پر، اتنا محال بھی نہیں

آصف شفیع

Kamyab hai wafa to bahany tarash lon

Crescent — Mon, 20 Aug 2012 16:19:44 GMT

کمیاب ہے وفا تو بہانے تراش لوں
چہرے نئے ہیں شہر پرانے تراش لوں

نسبت میری جبیں* کو انہیں پتھروں سے ہے
مشکل نہ تھا کہ آئینہ خانے تراش لوں

اوڑھے رہوں میں جلتی ہوئی دھوپ کی ردا
اور موسموں کے گیت سہانے تراش لوں

شبنم سے رہگزارِ سحر کا پتا کروں
مٹی سے رنگ و بُو کے خزانے تراش لوں

نومید مجھ سے میرا خدا آج بھی نہ ہو
زخموں کے خال و خد سے زمانے تراش لوں

میں جو اسیر ہوں تو خود اپنی نگہ کی ہوں
دل کی خوشی کو لاکھ فسانے تراش لوں

شام و سحر سے دور زمانہ ملے، تو میں
اِس بے قرار جاں کے ٹھکانے تراش لوں

اِک خواب اور فصلِ بہاراں کے نام ادا
آ کر کہا ہے موجِ ہوا نے تراش لوں

ادا جعفری

La hasil muhabbat

Crescent — Mon, 20 Aug 2012 15:31:51 GMT

!لاحاصل مُحبّت!

دراصل انسانی وجود کو ایک قبرستان بنا دیتی ہے
جس میں وہ اپنی تِشنہ خواہشات اورنامکمل آرزؤں کی قبریں اُٹھائے پھرتا ہے ۔۔

آمنہ ریاض کے ناول ’’مرگِ وفا‘‘ سے اقتباس

Ishq hay rooh ishq zaat ka duk

Crescent — Wed, 01 Aug 2012 09:28:43 GMT

عشق ہے روح عشق ذات کا دکھ
عشق ہے پوری کائینات کا دکھ
دل پجاری ہے۔۔۔۔۔۔۔۔۔۔۔ ایک پتھر کا
اسکو سہنا ہے سومنات کا دکھ
صبح پھولوں کی ھچکیاں تھی بندھی
کیسا ظالم تھا ڈھلتی رات کا دکھ؟
جیت میرا نصیب تھی لیکن
مجھ کو لے ڈوبا تیری مات کا دکھ
درد دیتی ہے تیری۔۔۔۔۔۔ خاموشی
مار دیتا ہےتیری ۔۔۔۔۔۔ بات کا دکھ
کوبکو در بدر بھٹکتا۔۔۔۔۔۔ ھے
عبرت انجام زرد پات کا دکھ
دشمنوں !دوستوں سے کہہ دینا
دل پہ کاری تھا انکی گھات کا دکھ
حجر اسود پہ اب بھی لکھتے ہیں
لوگ اندر کے اک منات کا دکھ
ارض بے حال بے ثباتی پر
آسماں نیلگوں ثبات کا دکھ
اسکا دل تھا میری طلب کا قیام
اسکو لاحق تھا شش جہات کا دکھ

un jeel se gehri ankhon main ek sham kahe abad to ho

Crescent — Tue, 31 Jul 2012 09:08:10 GMT

اُن جھیل سی گہری آنکھوں میں اِک شام کہیں آباد تو ہو
اُس جھیل کنارے پل دو پل
اِک خواب کا نیلا پھول کھلے
وہ پھول بہا دیں لہروں میں
اِک روز کبھی ہم شام ڈھلے
اس پھول کے بہتے رنگوں میں
جس وقت لرزتا چاند چلے
اس وقت کہیں اُن آنکھوں میں اس بسرے پل کی یاد تو ہو
اُن جھیل سی گہری آنکھوں میں اِک شام کہیں آباد تو ہو
پھر چاہے عمر سمندر کی
ہر موج پریشاں ہو جائے
پھر چاہے آنکھ دریچے سے
ہر خواب گریزاں ہو جائے
پھر چاہے پھول کے چہرے کا
ہر درد نمایاں ہو جائے

اس جھیل کنارے پل دو پل وہ روپ نگر ایجاد تو ہو
دن رات کے اس آئینے سے وہ عکس کبھی آزاد تو ہو
اِن جھیل سی گہری آنکھوں میں اِک شام کہیں آباد تو ہو